Хавфсизлик Кенгаши котибининг собиқ муовини, яқинда юз берган тартибсизликлар пайтида Қирғизистондаги хавфсизлик кучларини мувофиқлаштирган Ўмурбек Суваналиев сайловлар пайтида уюшган жиноий гуруҳлар ҳокимиятга интилаётгани ҳақида огоҳлантирди. Улар партиялар тузиб сайловга бораётганини, бу яхшиликка олиб келмаслигини бир неча бор айтиб келаётган эди. Суваналиевнинг айтишича, сайловларда ва ундан кейинги тўпалонларда жиноий гуруҳлар аралашувини истисно этмайди.
“Қирғизистонда уюшган жиноий гуруҳлар жуда кучли. Улар коррупционер катталарга қўшилиб, мафияга айландилар. Шундай қилиб, жиноятчилар ҳокимиятга келишга ҳаракат қила бошладилар. Бунинг сабаби мансабдорлар уларнинг олдида ишлашган. Бугун қаерга қараманг, жиноий гуруҳларнинг аъзолари бор. Аммо ҳамма буни очиқ айтишдан қўрқади. Уюшган жиноий гуруҳлар аъзолари депутатларга «овоз берасан» деб қўрқитгани ҳақидаги маълумотлар ҳақиқатга яқиндир. Аммо аниқ факт йўқ бўлиб қолди. Чунки вақт кам эди ”.
Парламент аъзоси ва вице-спикер Аида Қасималиеванинг таъкидлашича, 10 октябрь куни «Ала-Арча» давлат қароргоҳида бўлиб ўтган Олий Кенгашнинг Садир Жапаровни бош вазир этиб тайинлаш бўйича навбатдан ташқари сессиясида унинг ҳамкасби Самаев «овоз берасан» деб қўрқитганини айтиб чиққан.
Қирғизистон фракцияси аъзоси Урматбек Самаев Қасималиевага Садир Жапаров бошчилигидаги ҳукумат таркиби ва дастурини тасдиқлаш учун махсус сессия чақиришга ҳеч қандай алоқаси йўқлиги маълум қилди.
Хавфсизлик Кенгаши котибининг собиқ ўринбосари Ўмурбек Суваналиев «Бутун Қирғизистон» партиясидан парламентга номзодини қўйган ва нотинчликдан кейин мамлакат хавфсизлик хизматларини мувофиқлаштириш учун ишига қайтган. Президент Сўўронбай Жээнбеков 10-октябрда имзолаган фармонга биноан, у Хавфсизлик Кенгаши котиби лавозимидан озод этилди.
Ички ишлар вазирлиги (ИИВ) маълумотларига кўра, Қирғизистонда Қамчи Кўлбаев, Азиз Батуқаев ва Алмаз Бўкушев томонидан ташкил этилган учта уюшган жиноий гуруҳ ва 1076 субъектдан иборат турли гуруҳлар расмий равишда қайд қилинган.
